martes, 15 de diciembre de 2015

Hola a toos y toes:
Ya tá llegando la Navidá y con ella unos díes de vacaciones; espero que disfrutéis y que uséis  esti blog pa entretenevos y siguir reforzando tolo aprendíu colos xuegos.
Espero  que vos preste y vos sea útil.

 
 

 
 
 

FELIZ NAVIDA

2016

 
 
El xueves 12 de payares cellebramos l 'Amagüestu nel Vallín.

El cole quedó perguapu cola decoración fexa pol alumnáu de tolos cursos.

Había murales col procesu d'ellaboración de la sidra decoráos con dibuxos de castañes que llevaban pequeñes poesies  de la seronda.

Los pás  tamién collaboraron faciendo postres que presentaron esi día'n grandes meses mui bien presentaes que llueu tolos neños y neñes  pudieron comer.
Gracies pol gran día que resultó.




 

viernes, 26 de diciembre de 2014

LOS BOLECHAS

Esta selmana vi na TPA unos dibuxinos que me gustaron muncho. Son 9 capítulos siguios; Tan mui prestosos. ¡Aspero que vos presten!
 

los reis magos. Villancicu n´Asturianu.

Feliz Navidá a tolos neños y toles neñes de los colexos  Marcelo Gago y Sabugo d'Avilés.
Voi ponevos esti villancicu que ta mui prestosu.


jueves, 9 de mayo de 2013


¡Hola a toos y toes!
Los neños y neñes de tercer ciclu de primaría que vienen a clas de  llingua asturiana , representaron una obra de  teatru pa presentala nel concursu del 1 certame de teatru, de la 34 Selmana de les Lletres Asturianes. Por esta obra, Carlos Lasarte fue elexíu'l meyor actor de tolos participantes.
¡ Norabona, Carlos!
Esta ye la representación :

martes, 19 de marzo de 2013




¡Hola a toos y toes!
Gabriel de 5º cursu, gano'l primer premiu del concursu de cuentos qu'organizó l'ayuntamientu de Valdés, y nel que podíen participar los escolinos de los conceyos averaos.
Gano'l premiu con un cuentu que se titulaba " Zara y Caretu". Por esti premiu dieron-y 100 euros. Aspero qu'anque sea por eso , participéis nos concursos que faltan.Voi poner el cuentu darréu.
¡Norabona, Gabriel!

ZARA Y CARETU

          Zara ye una yegua de 12 años, torda con llurdios roxos na cara, bien alta y cola quilina llarga de color gris. Caretu ye un poni roxo, cola cara blanca, como si fora una máscara, por eso se llama Caretu, tien 8 años y ye bien pequeñu.
        El día de la folixa en Gamones, hubo una carrera de caballos, el caballu pequeñu taba bien nerviosu, porque yera la primer vegada que competía; él pensaba que diba perder porque yera bien pequeñu y nun paraba de topetar les sos ferradures contra'l suelu, nun se dexaba apareyar de mieu que tenía. Zara p'aselalu díxo-y:
Nun tes nerviosu,Caretu, na carrera hai categoríes, córrese por edaes,vas correr colos más xovenes, y hai pequeños como tu.
       El Caretu, al escuchar a la so amiga Zara dici-y esto, púnxose bien contentu y nun paraba de rinchar y saltar.

    Anunciaron la carrera y Caretu asistióse na llinea de salida colos demás participantes; yo punxi les espueles y montelu. Sono´l disparu de salida y el caballu salio rápidu como una bala; empezó’l terceru, pero na metá de la carrera adelantó al segundu, na linea de meta Zara taba esperándolu, corria d'un llau a otru,taba nerviosa y nun paraba d'animalu. Nos postreros 10 metros, Caretu adelantó y atravesó la llinea de la meta en primer llugar. 
     Zara averábalu pa da-y la norabona, y dempués prepárose pa la so carrera; asistióse na llinea de salida pa competir colos de la so edá. Tres el disparu, Zara asitióse de les primeres, y tuvo tol tiempu encabezando la carrera. A los pocos metros de la meta, un caballu negru adelantola pola izquierda y Zara quedó´n segundu llugar.
    Caretu p'animala compartió´l so premiu cola so amiga Zara y los dos esfrutaron d'un gran maniegu de panoyes.
                                                                                              Fin

miércoles, 30 de enero de 2013

¡Hola a toos y toes!
Felicidaes  a toos pol trabayu que fixistis na actividá de la Paz. Voi ponevos uno de los montaxes de les actividaes de los neños/es de tol colexu. Anque ya lu visteis espero que vos preste a los padres  y a vosotros tamién. Calcai nel "play"

viernes, 11 de enero de 2013

¡Hola a toos y toes! Pa entamar bien el nuevu añu voi ponevos unos cuentinos. Espero que vos gusten.
                        Cuentos Asturtoons:
  
                
Cuentu" Menudu elementu" 

   

Equí va otru " De recuerdu Dinosauriu"

 

sábado, 8 de diciembre de 2012

¡ Hola!
Ya ta llegando la Navidá y espero que toos y toes trabayarais muncho pa poder tener bones notes.
Los neños de 5º cursu van recitar un poema qu'esperamos vos preste a toos. Los neños d'asturianu de tolos cursos, xuntos, van cantar un villancicu de títulu "Los tres reis magos".
 
 





 

jueves, 15 de noviembre de 2012

¡Hola a toos y toes!
Esti vienres cellebramos l'amagüestu y los neños de tercer ciclu fixeron un pregón y una obra de teatru de " Una asturiana'n Madrí". Polos aplausos al finar la obra paez  que  vos prestó, y por eso tamos percontentos ya que l'esfuerzu mereció la pena. Amás llevamos una pita que punxo en güevu na caxa  y eso paez que llamó abondo l'atención. Pa los que nun pudieron velu equí voi dexar el video,anque nun tengo'l pregón. Espero que vos preste.

miércoles, 14 de noviembre de 2012



¡Hola!  El cuentu de los neños de 5º cursu d' alternativa ya ta llistu.
 Vamos colgalu pa que toos podáis velu.Tenemos dos formatos y voi colgar los dos pa qu'asina  decidáis cual queréis comprar. Espero que vos guste a toos.




Pa poder velu tenéis que calcar nel enllace que vien darréu:  
 
L' otru ye:                                        

 
 
Enllace:

domingo, 4 de noviembre de 2012

¡ Hola a toos !
Esta selmana vamos a cellebrar l'amagüestu . Vamos tener una esposición d' Asturies campu y mar, que ta quedando perbién con tolos oxetos que nos traxisteis. Tará puesta tola selmana pa que toos podáis vela . Na clase vamos facer un cartelu de comu se fai la sidra y un collarín de castaña que toos llevaremos na fiesta. Los neños de tercer ciclu de llingua van representar una pequeña obra de teatru'l vienres 9 de payares.
Esperamos que vos preste.

martes, 18 de septiembre de 2012

¡Hola a toos y toes!

Bienveníos al blog de llingua asturiana del Colexu Públicu San Miguel de Trevías  y del Colexu Públicu de Muñás.Esti blog va ser una ferramienta de trabayu na nuestra clase, amás d'un canal d'esposición de los vuestros trabayos pa que la familia los pueda ver.

martes, 19 de junio de 2012

Ya termina'l colexu y espero que depués d'un añu de trabayu y de bones notes paséis un ....





feliz

branu



¡Ah! Espero tamién que dalguna vegada xuguéis y travayéis nesti blog, pa nun escaecer que la nuesa llingua ye de toos y qu' hai que protexela y mantenela viva.

¡ BESINOS PA TOOS  Y TOES !

martes, 12 de junio de 2012

¡Hola!
Voi dexavos unes fotos dalgunos güevos que los neños/es fixieron na clase. La idea yera que s'asemeyaran a los güevos pintos de La Pola, pero como nun somos espertos , quedáronnos asina. ¡Espero que vos gusten!





miércoles, 11 de abril de 2012

¡Hola a toos!
Vais poder ver un capítulu de los dibuxos de David el Trasguín.Ta mui guapu y ésti si que ta enteru.
Espero que lo paséis perbién viéndolu!

martes, 10 de abril de 2012

¡Hola a toos!
Ya tamos otra vegada nel colexu y espero que toos vengáis con ganes de trabayar y deprender.
Pa facer más fácil la vuelta voi ponevos un trozu d'una peli que me paeció bien guapa; ta basada nel llibru de Jonathan Swift"Los viajes de Gulliver" asoleyada'n 1726.Voi ver si consigo la peli completa y vosotros mirái tamién.
¡Espero que vos guste!


sábado, 17 de marzo de 2012

Equí tenéis otra manera de ver les fotos.Ente toos vamos elexir la que más nos guste pa dexar nel blog.


Equí tenéis les fotos del periódicu. Espero que vos guste la forma na que salen.Tais toos perguapos.


lunes, 12 de marzo de 2012

Preséntovos los cuentos fechos polos neños na clase d'asturianu. Son parte de los trabayos fechos en comuña por toos na clase , pal periódicu "La Nueva España". Unos salieron nel periódicu y otros non, porque tuvimos qu'escoyer los más guapos. Espero que vos gusten y que'asina podáis ver dalgo del trabayu de los vuestros fios.

domingo, 26 de febrero de 2012

sábado, 25 de febrero de 2012

LA OREJA VERDE

Equí tenéis les páxines de "La Oreja Verde" del periódicu "La Nueva España".

Son los trabayos realizaos polos neños/es en clase y que fan en comuña.

¡Espero que vos guste'l documentu y los cuentos de los neños !

jueves, 17 de noviembre de 2011


Pa tolos neños y neñes 
de Primaria


¡Hola a toos!
¡Entamamos col blog de Llingua Asturiana!



A partir d’agora vamos tener un espaciu pa pasalo              perbién n’asturianu y deprender munches coses xugando.